Ferðatrygd
Við eini ferðatrygging fært tú endurgjald, um okkurt antin tarnar ella oyðileggur tær ferðina. Vit hava røttu tryggingina til tín, annaðhvørt tú ferðast ofta ella sjáldan.
Við okkara Ferðatrygd kanst tú velja ímillum Evropa og allan heim, alt eftir hvagar leiðin gongur.
Tryggingin tekur við, um tú eitt nú
- Verður sjúk/ur á ferðini
- Mást avlýsa ferðina orsakað av sjúku
- Skalt til viðgerð ella hava heilivág orsakað av skaða á ferðini
- Missir viðførið, ella tað verður seinkað á ferðini
- Verður fyri stuldri á ferðini
Minst til ferðakortið
Tú skalt altíð hava ferðakortið við tær, tá tú fert uttanlands. Ferðakortið er talgilt og verður lagt í tína wallet á telefonini.
Hendir óhappið
- Minst so til at ringja til SOS International beinanvegin á tel. +45 44 25 81 00 og spyr, hvussu tú skalt bera teg at.
Soleiðis fært tú ferðakortið
- Er ferðakortið útgingið á telefonini, kanst tú lætt dagføra tað aftur:
- Far inn í tína wallet á telefonini
- Trýst á "Vis udløbne kort"
- Finn ferðakortið og trýst á "Skjul ikke" niðast í høgra horni
- Hevur tú ikki áður havt ferðakortið talgilt, bílegg tað við at trýsta á knøttin niðanfyri
Seinkað viðføri
- Viðførið skal vera seinkað meira enn 5 tímar fyri at endurgjald fæst
- Endurgjaldið er kr. 1.200 pr. dag, tó í mesta lagi kr. 4.800 pr. persón
- Tú skalt senda váttan um seinkanina frá flutningsfelagnum til Trygd
- Endurgjaldið hjá einum tryggjaðum ferðalagi kann tó ongantíð samlað verða hægri enn kr. 9.600 fyri hvørja seinking.
Góð ráð til ferðina
-
Kanna, um tryggingin fevnir um tað landið, sum tú skalt til
-
Hav svarta talgilda ferðakortið hjá Trygd á telefonini
-
Ferðast tú í egnum bili, minst so til tað reyða ella grøna kortið
-
Ferðast tú við bili, minst so til, at tað hevur týdning fyri møguligt endurgjald, at bilurin hevur verið læstur, tá ið stuldurin fór fram, og at lutirnir ikki hava verið sjónligir uttanífrá.
-
Um tú fert uttanlands við húsvogni, og hesin hevur Skrokktrygd frá Trygd, so skalt tú eisini hava reyða tryggingarkortið við á ferðini.
-
Um okkurt verður stolið á ferðini, minst so til at boða løgregluni á staðnum frá hesum.
-
Um tú verður sjúk/ur á ferðini, minst so til at ringja til lækna beinanvegin, tí endurgjaldið fevnir bara um tað, sum stendur í eini læknaváttan.
-
Um skaðin er hendur, minst so til, at tú altíð kanst ringja til SOS International og fáa holla vegleiðing. Telefonnummarið hjá SOS International er +45 44 25 81 00.
Ferðast tú við egnum bili?
Minst so altíð til at hava reyða kortið við tær á ferðini. Í summum londum skalt tú eisini hava grøna kortið.
- Reyða kortið prógvar, at akfarið er skrokktryggjað í føroyskum ella donskum tryggingarfelagi. Kortið skal vísast, um nakað hendir við akfarinum. Minst til at hava reyða kortið við, um tú fert við húsvogni ella húsbili, ið er skrokktryggjaður.
- Grøna kortið er prógv um, at akfarið er ábyrgdartryggjað, og tað skalt tú altíð hava við, tá tú fert uttanlands við akfari.
Lond, har tú skalt hava grøna kortið við, eru:
- Albania
- Bosnia-Hersegovina
- Hvítarussland
- Iran
- Ísrael
- Makedónia
- Marokko
- Moldava
- Montenegro
- Russland
- Tunesia
- Turkaland
- Ukreina
Um tú ert so óheppin at verða partur av einum ferðsluóhappi í einum av omanfyrinevndu londunum, er tað týdningarmikið, at tú fært mynd av grøna kortinum hjá mótpartinum.
Ofta settir spurningar
Hvønn dekkar tryggingin?
Tú og títt húskið eru fevnd av tryggingini. Húskið merkir øll tey, sum eru fastbúgvandi á sama bústaði sum tú.
Hvat kostar tryggingin?
Tað veldst um tín tørv, og hvagar leiðin gongur. Tú ert altíð vælkomin at ringja til okkara, og so kunnu vit saman finna røttu loysnina til tín.
Hvørji lond fevnir tryggingin um?
Um tú velur Ferðatryd fyri allan heimin, fevnir tryggingin um ferðir til øll lond í heiminum. Velur tú Ferðatrygdina fyri Evropa, fevnir tryggingin um øll lond í Evropa.
Her kanst tú síggja ein lista við teimum londunum, sum tryggingarnar fevna um.
Nær skal eg keypa ferðatrygd?
Ferðatryggingin skal keypast, áðrenn tú fert avstað. Tað er skilagott at kanna, um ella hvørja trygging tú hevur, og hvat hon fevnir um.
Ferðakortið
Tú skalt altíð hava ferðakortið við tær, tá tú fert uttanlands. Ferðakortið er talgilt og verður lagt í tína wallet á telefonini.
Hendir óhappið
Minst so til at ringja til SOS International beinanvegin á tel. +45 44 25 81 00 og spyr, hvussu tú skalt bera teg at.
Bílegg ferðakortið longur uppi á síðuni.
Reyða og grøna kortið
Fert tú uttanlands at ferðast við akfari, skalt tú altíð hava reyða kortið við á ferðini. Í summum londum skalt tú eisini hava grøna kortið.
- Reyða kortið prógvar, at akfarið er skrokktryggjað í føroyskum ella donskum tryggingarfelagi. Kortið skal vísast, um nakað hendir við akfarinum. Minst til at hava reyða kortið við, um tú fert við húsvogni ella húsbili, ið er skrokktryggjaður.
- Grøna kortið er prógv um, at akfarið er ábyrgdartryggjað, og tað skalt tú altíð hava við, tá tú fert uttanlands við akfari.
Lond, har tú skalt hava grøna kortið við, eru:
- Albania
- Bosnia-Hersegovina
- Hvítarussland
- Iran
- Ísrael
- Makedónia
- Marokko
- Moldava
- Montenegro
- Russland
- Tunesia
- Turkaland
- Ukreina
Um tú ert so óheppin at verða partur av einum ferðsluóhappi í einum av omanfyrinevndu londunum, er tað týdningarmikið, at tú fært mynd av grøna kortinum hjá mótpartinum.
