Eingin fyritøka er líka…

- men allar hava okkurt, sum er vert at ansa eftir.

Vit vita væl, at tryggingar nokk ikki eru frammarliga í tonkunum, tá ið tú rekur eina fyritøku ella stovnar eina nýggja – men tað er samstundis avgerandi, at tú tryggjar tína fyritøku rætt. Ofta krevur tað ikki meira enn eitt stutt prát við okkum um tín tørv – so kanst tú aftur hugsavna teg um fyritøkuna, og vit taka okkum av restini.

Nýggjar fyritøkur

Hava tú og tíni vinfólk nakrantíð tosað um at byrja eina fyritøku saman?

Tað gjørdu Mikkjal, Ólavur, Steinbjørn og Jóannes – fýra barndómsvinir, sum altíð hava havt hug at skapa okkurt sjálvir.

Í byrjanini gongur tað ofta skjótt, og alt er spennandi. Hóast tryggingar ikki fylla nógv í hugaheiminum, so eru tær umráðandi at fáa upp á pláss. Eitt stutt prát við tín tryggingarráðgeva hjálpir tær at koma væl frá byrjan og er eisini ein trygd mótvegis avbjóðingum, sum kunnu stinga seg upp á leiðini.

Sjálvstøðugt vinnurekandi

Tørvirnir hjá eini nýggjari fyritøku eru øðrvísi enn hjá einari, sum er meira rótfest á marknaðinum.

Tí er tað umráðandi, at tú tosar við tín ráðgeva um, hvussu tín fyritøka sær út í dag.

Tað kann vera, at tú hevur gjørt íløgur í fleiri dýr amboð ella eina dýra maskinu. Og so mást tú heldur ikki gloyma teg. Sum sjálvstøðugt vinnurekandi er tað sum oftast tú, sum er inntøkukeldan hjá fyritøkuni, men hevur tú røttu tryggingarnar, um tú t.d. verður rakt/ur av sjúku ella skaða?

Fyrtøka sum hevur vinnutrygging frá Trygd

Miðalstórar fyritøkur

Ofta kann goymsluvirði, tal av starvsfólkum og ognirnar hjá fyritøkuni broytast nógv. Tí er tað umráðandi, at tryggingarnar passa til veruleikan.

Eisini kann tað vera viðkomandi at hugsa um váðastýring – hvussu stóran váða vilt tú taka á teg? Prísurin á tryggingunum ávirkast nevniliga av, hvussu stóra sjálvsábyrgd, tú hevur.

Og so er ikki at gloyma starvsfólkini. Fyri at skapa trivnað og at varðveita dugnalig starvsfólk kunnu starvsfólkaágóðar ofta vera avgerandi - tú kanst t.d. bjóða tínum starvsfólkum lívstryggingar, vanlukkutryggingar og viðgerðartrygd. Hetta kanst tú sjálvandi eisini tosa við tín ráðgeva um.

Stórar fyritøkur

Stór fyritøka merkir eisini stóra ábyrgd, og tí er tað umráðandi, at øll hornini í fyritøkuni eru væl tryggjað.

Vit mæla til, at fyritøkan velur eitt ávíst starvsfólk, sum samskiftir við tryggingarráðgevan, soleiðis at tryggingarviðurskiftini eru so greið og viðkomandi sum gjørligt. Tryggingarnar hjá eini stórari fyritøku eru ofta tær somu sum hjá eini miðalstórari. Munurin er vanliga bert tann, at alt er størri í vavi. Tú hevur fleiri starvsfólk, fleiri amboð, fleiri maskinur, fleiri akfør, bygningar, høli o.s.fr.

Nei, eingin fyritøka er líka…

Summar fyritøkur eru lítlar og einfaldar, aðrar størri og meira samansettar. Hóast tørvurin á tryggingum er ymiskur, so hava allar fyritøkur tørv á einum trygdarneti – og ikki minst á einum ráðgeva, sum skilur teg og tína fyritøku.